Meyl-i bâğ itmez gönül sular mı yok cûlar mı yok
Neş’e-i hâtır mı yok evvelki mehrûlar mı yok

Bir nazarda sayd ü kayd eyler dil-i âvâreyi
Çeşm-i âhûlar mı bilmem dâm-ı keysûlar mı yok

Becce-i mürg-i dili pâbest ider zülf-i yâr
Âşiyânında perestûlar mı yok mûlar mı yok

Sen de ey sâkî açılmazsın niçün gülzârda
Lâleler güller karanfiller mi şebbûlar mı yok

Va’d-i vaslı kimseye bildirmemekse maksadın
Remzî ebrûlar mı yok çeşm-i suhengûlar mı yok