Müddeî ta‘n urma beni ışk-ı ma‘şûk oynadur
Ditredür a‘zâlarumı bahr-i cânum oynadur

Neylerem çün düşmişem bahrine ışkun subh u şâm
Âdetidür mevci bahrün çıkarur gâh daldırur

Satvet-i irci‘i tablı yitişür rûh sem‘ine
Kaldırup cünne-i rûhum ihtiyarsuz döndürür

Mâsivâ-yı yâr görünmez aynum oldı çün a‘mâ
Kaldırup burka‘ı yüzden yâr cemâlün gösterür

Resm-i ma‘şûk böyle oldı kim bugün âşıklara
Kimin ilter dâra boğar kimin oda yandırur

Düşeli Abdürrahîm-i Tirsî yârun ışkuna
İhtiyârsuz söyledür gâh ağladur gâh güldürür