Abdullah Tamamlar-Nidersin
Yâr ister isen ülfet-i ağyârı nidersin
Hûr ister isen cîfe-i murdârı nidersin
Gülzâr-ı bekâyı idegör fânîye îsâr
Bu gülşen-i pür mihnet ü pür hârı nidersin
Salınma geyüp eğnine fahr ile kabâyı
Soyunacağın cübbe vü destârı nidersin
Çün kim derecât ister isen cennet içinde
Dünyâda bu kez menzil-i sâlârı nidersin
Çün oldı ‘ıyâl mâl ü menâl hep sana düşmân
Sür koma gönülden çıkar anları nidersin
Tamuya salar nefsi ‘Azâzil sakın uyma
Gel pendimi tut nûra iriş nârı nidersin
Dînârı tutup dînini yabana bırakma
Dîn kaydını gördün ise dînârı nidersin
Hallâk-ı cihân rızkına çün zâmin olupdur
Mü’minsen eğer rızk içün efkârı nidersin
Hem zümre-i ‘uşşâka dahl itme birâder
Sev Hakk’ı seven kulları inkârı nidersin
Kuddûsî hemân sen dahi ‘âşık olagör kim
Nâmûs arama ‘âşık isen ‘ârı nidersin

Yorumlar
Henüz yorum yapılmamış.