Rahm ider şübhe mi var ‘âşık-ı âvâresine
Sabâ-veş durma yetiş kâkül-i gülpâresine

Ne sa’âdetli zamân yâr ile hem-dem olasın
Bir nazar eyleye yâr bende-i bî-çâresine

Dili dildâre fedâ cânını cânâne vire
Yârdan elbet alur dermânı her yâresine

Kul olan kurbân olur ebrû-kemân dilberine
Gün gibi doğsa güzel mahbûb-i meh-pâresine

Lutfiyâ lutf-i kadîm mihr-i vefâdâr olana
Kıl nazar dâimâ sen gözlerinin kâresine