Sabâ ağyârdan pinhân gamını dil-dâra izhâr et
Habersiz yârimi hâl-i harâbımdan haber-dâr et
Getir yâdım anun yanında ger görsen ki kahr eyler
Hamûş olma yine düşnâm takrîbiyle tekrâr et
Gönül gam dünlerin tenhâ geçirme iste bir hem-dem
Ecel hâbından efgânlar çekip Mecnûn-ı bîdâr et
Çü yok aşk âteş-i bir şu’le çekse tâkatin ey ney
Baş ağrıtma dem-i aşk urma ancak nâle vü zâr et
Beni reşk oduna pervâne tek ey şem’ yandırma
Yeter hur-şîd-i ruhsârın çerâğ-i bezm-i ağyâr et
Giriftâr-i gam-i aşk olalı âzâde-i dehrim
Gam-i aşka beni bundan beter yâ Rab giriftâr et
Fuzûlî bakmak olur ol güneş yâdiyle hurşîde
Ne vech ilen kim olsa gün geçer fikr-i şeb-i târ et

Fuzuli