Yâ ilâhî mâsivâdan kalmasın dilde hayâl
İnkişâf-ı sadra irgür ‘ayna açılsın visâl

Firkatin ‘atşân idelden teşne idim katreye
Çeşme-i gayb kıldı cûyân cânıma âb-ı zülâl

“Men ‘aref” sırrı ile kıldım dü cihândan sefer
“Küntü kenz”in kişverine açdı cânım perr ü bâl

Pâdişâhâ câm-ı ‘aşkın nûş idelden cân u dil
Baş açık dîvâne oldu kün fekânda bî-misâl

Hikmetin kârhânesinde eyle tevfîkin refîk
Bahr-i cûdun gevherinden vir Raûfî’ye kemâl