0
Abdullah Tamamlar-Ya İlahi Narı Aşkın
Yâ ilâhî nâr-ı ‘aşkın cânı sûzân eyledi
Bülbül-âsâ nâlesin verde hezârân eyledi
Feyz-i fazlından ireli cism ile câna ‘atâ
Bu dil-i mahzûnumuz lutf ile şâdân eyledi
Teşne diller vâdî-i firkatde ser-gerdân iken
Âb-ı vaslına Hızr-veş cânı reyyân eyledi
Kalmadı hergiz visâl-i bezm-i yâre iştiyâk
Lutf u kahrın dem-be-dem ‘uşşâkı yeksân eyledi
“Külle yevmin hüve fî-şe’n” sırrına bulan vüsûl
Bu vücûdî neş’esini başka bir şân eyledi
Câm-ı vaslın cür’asını nûş iden buldu hayât
Dü cihânı vahdetin esrârı hayrân eyledi
Açdı vechinden hicâbın çün Fenâyî âfitâb
Zerresiyle cümle mevcûdâtı rahşân eyledi

Yorumlar
Henüz yorum yapılmamış.