Yâ Resûlallah yüzün bedr ü özün sadr-ı cihân
Şark u garbı devr ider nûrunla mihr-i âsumân

Sen ne sultânsın yüzün görse gedâlar şâh olur
Devlet-i ‘uzmâ bulurlar bekleyenler âsitân

Gamzeni kılsan havâle düşman olur bertaraf
Rûy-i dil göstersen eyler ‘ıyd-i ekber dostân

Sofra-i cûd u sehânı hân-ı yağmâdır gören
Feyz-i ihsânın bulan bulur hayât-ı câvidân

Çesme-i kevser-i lebindir menba’-ı rahmet dilin
Cennet ü hûrî cemâlin seyr ider bî-imtinân

Şeyh İsmâil Hakkı pîr olup kaldı zebûn
Ger olur sen destgîri ola vallâhi cüvân