Yola girme sakın zâd olmayınca
Refîkin kâmil üstâd olmayınca

Dil-i sengîni kimse yumşatır mı
Belâ kûhunda Ferhâd olmayınca

Verir mi dâmeni gül bülbüle el
Figân u zâr u feryâd olmayınca

Güzâfsın kimse erişmez vefâya
Ol cevr ile mu’tâd olmayınca

Seninle âşinâ olmaz ilâhî
Kimesne kendinden yâd olmayınca

Cihânda kimse hîç mesrûr olur mu
Senin derdin ile şâd olmayınca

Sakın da’vâ-yı hubbu itme Şemsî
Kamu emrine münkâd olmayınca