Ol cihânın fahrinin sırrına kurbân olayım
Hutbe‐i “levlâk” inen şânına kurbân olayım
“Kâbe kavseyni ev ednâ’sına kurbân olayım
Ben onın ‘ilm ile ‘irfânına kurbân olayım
Ben onın esrâr‐ı mi’râcına kurbân olayım

Ol Ebûbekr u Ömer Osman Alî dört yârıdır
Ol risâlet bağının anlar gül‐i gülzârıdır
Cümle ashâb hidâyet râhının envârıdır
Ben onın âline ashâbına kurbân olayım
Ben onın ashâb ü ahbâbına kurbân olayım
Ben onın ayağının tozuna kurbân olayım
Yoluna gidenlerin izine kurbân olayım