Bâzâr-ı ‘aşka meydâne gel gel
Dâim bu meşke merdâne gel gel
****
Bâde-i bâkî arz ider sâkî
İç bu tiryâkı mestâne gel gel
****
Meyden al sadâ kim ider nidâ
Emreder Hudâ irfâne gel gel
****
‘Âr u varından kâr u zârrından
Cân diyarından cânâne gel gel
****
‘Aşka şâkir ol Hakk’ı zâkir ol
Cem-‘i hâtır ol ihsâne gel gel
****
“Men ‘aref” dersin kim ider bahsin
Hakk’a gidersin kurbâne gel gel
****
Kenz-i Hakk’dır dil beyt-i Hudâ bil
Ol bir nehr-i Nil ummâne gel gel
****
Taht-ı sultânı dilde gör ânı
Seyret o şânı pîrâne gel gel
****
Lutfî’ye lutfet ey Bârî Hudâ
Ver nûr-i hüdâ insâne gel gel
****
Allahu Allahu Allahu Allah
Allahu Allahu Allahu Allah
Bâzâr-ı ‘aşka meydâne gel gel
Dâim bu meşke merdâne gel gel
****
‘Âr u varından kâr u zârrından
Cân diyarından cânâne gel gel
Allahu Allahu Allahu Allah
Allahu Allahu Allahu Allah
****
‘Aşka şâkir ol Hakk’ı zâkir ol
Cem-‘i hâtır ol ihsâne gel gel
Allahu Allahu Allahu Allah
Allahu Allahu Allahu Allah
****
Kenz-i Hakk’dır dil beyt-i Hudâ bil
Ol bir nehr-i Nil ummâne gel gel
Allahu Allahu Allahu Allah
Allahu Allahu Allahu Allah