Gönül bir bahr-ı ummândır ana hadd ü pâyân olmaz
Derûnu dürr ü cevherdir ki pinhândır ayân olmaz
O dürr ü cevheri bilip hemân sarrâfına tapşır
Bu cevher cevher-i Hak’dır gayrılara beyân olmaz
****
Bu kalbin hânesin pâk et misâfir gele dost sana
Musaffâ olmayan gönül o dildâra mekân olmaz
Hulûsî dost cemâline kılıpsın bülbül-veş zâr
Cemâli öyle güldür kim ana hergiz hazân olmaz