Milk-i bekâdan gelmişem fânî cihânı neylerem
Ben dost cemâlin görmüşem hûr ü cinânı neylerem.

İbrâhim’em Cebrâil’e hiç ihtiyâcım kalmadı
Muhammed’im dosta gidem ben tercümânı neylerem.

İsmâil’em Hakk yoluna cânımı kurbân eylerem
Çünkü bu cân kurban olur ben koç kurbânı neylerem.

Îsâ gibi yeri koyup gökleri seyrân eylerem
Mûsâ-yı dîdâr olmuşam ben “len terânî” neylerem.

Aşık Yûnus ma’şûkuna vuslat bulunca mest olur
Ben şîşeyi çaldım taşa nâmûs u ârı neylerem.