Pâdişâhâ ‘aşkını hem-hâne kıl
Mâsivâ-yı ‘aşkına bî-gâne kıl

Zikr ü fikrinle beni pür-nûr edüp
Mest-i medhûş eyleyip dîvâne kıl

Benliğimdir senden ayıran beni
Varlığım şehrini yık vîrâne kıl

Mürg-ı rûhun meylini kes gayriden
Şol cemâlin şem’ine pervâne kıl

Gönlümü mir’ât-ı vech-i zât edip
Ol tecellîyle beni mestâne kıl

Cezbe-i feyzin şarâbın doldurup
Bu Niyâzî bendeni meyhâne kıl