Es-salâ her kim gelir bâzâr-ı ‘aşka
Es-salâ her kim yanarsa nâr-ı ‘aşka

Es-salâ dâr-ı ene’l-Hakk’da bugün Mansûr olup
Cân u başından geçen berdâr-ı ‘aşka

İbn-i Edhem gibi tâc u tahtını terk eyleyip
Soyunup abdâl olan hünkâr-ı ‘aşka

Kendini odlara atan şol Halîlullâh gibi
Cân u dilden bülbül-i gülzâr-ı ‘aşka

Varlığı dağın delüp Şîrîn iline yol açan
Ey Niyâzî söyle ol mi’mâr-ı ‘aşka