Merhaba ey ayn-i zâtın mazhar ü mihmânesi
Zât-ı pâkinden görünür nûr-i Hakk’ın şû’lesi
Rehber-i dergâh-ı izzet olduğu çün ey Habib
Enbiya vü evliyanın oldu babın kıblesi
****
Aşkına gönül veren bulsa acep değil murâd
Çün cemalin şem-i Hakk’dır ehl-i Hakk pervânesi
Dü cihan buldu nizamı feyz-i pâkinden Şehâ
Unsur-ı hassın olubdur gevher-i yekdânesi
****
Eyle boynuma hamâyıl aşkının zincirini
Olmasın bendsiz Habiba aşkının divânesi
Varidât-ı veddinün kalbi imaret ideli
Kenz-i aşk olmuş durur bu gönlümün virânesi
****
Nakd-ı cânı vasl-ı cânâne fedâ ettim veli
Ger ola yüz bin fedâ olmak anın şükrânesi
Fenn-i aşk içre terakki kıl taleb ağyar-ı Hakk
Aşık’ın yarı olmaz vasl-ı Hakk bîganesi
****
Ey gönül yarinden alıbilmek isteyen haber
Terk-i kevneyn idüp oldu rah-ı Hakk Merdânesi
Bula Bayramî visalin lezzetinde kurb-i üns
Ey olan bayramı kalbinde doldu cânânesi