Allâhu Rabbî lâyezâl
Yâ Vahid ü yâ Zelcelâl
Ey Pâdişâh-ı bî zevâl
Yessir lenâ hayra’l umûr

Vakt-i seherde dâdımız
Arşa çıkar feryâdımız
Cürm ü hatâ mû’tâdımız
Yessir lenâ hayra’l umûr

Senden erişmezse amân
Olur kamu işler yamân
Ya sâhib-i kevn ü mekân
Yessir lenâ hayra’l umûr

Ya Hâlik-i hayre’l enâm
Olsun Habibîne selâm
Budur hulûs üzre kelâm
Yessir lenâ hayra’l umûr

İkbâlî âsidir garîb
Lûtfundan etme bînasîb
Ya bâki vü hayy-i mucîb
Yessir lenâ hayra’l umûr