Bi-hamdi’llâh ki geldi mâh-ı Şa’bân
Açıldı Gülşen-i dil oldu handân

Muhammed Mustafâ’nın ayı geldi
Sa’adetle müşerref oldu her can

Husûsen kim Berât-ı gicesinde
Nice suçlar olur âzâd-ı nirân

Mübârekdir şeb ü rûzı ol ayın
Erişir her deminde lutf-i Rahmân

Muhammed’den şefâ’at ister isen
Ol aya hürmet et zikr eyle her an

Cemâlin görmek istersen Hudâ’nın
Uyan ey Hakkı var gafletden uyan