On bir aydır gideli biz de çekerdik hicrân
Merhabâ etdi bizimle yine şehr-i ramazan
Gelmesi ola mübârek kademinden umarız
Toylaya ni’met ile halk-ı cihânı Yezdân
Şehr-i İslâm’ı kudûmiyle çü etdi teşrîf
Hoş tutarlarsa n’ola hürmet ile pîr ü cüvân
Ehl-i dil etse n’ola ismini dilde tesbîh
Ki şühûr içre anı kıldı mu’azzez Sübhân
Her minâre demidir ola kandîl ile zeyn
Bahtiyâ kim verir ol vaz’-ı hüsün âleme şân