Şah Hüseyn’in firkatiyle ağlayan gelsün beri
Âh u vâh edüb demâdem inleyen gelsün beri

Kerbelâ’da çağrışırlar Yâ Muhammed Yâ Ali
Sînesine şerhalarla dağ uran gelsün beri

Kerbelâ-yı aşk içinde cân ile olub şehîd
Sînesin çâk eyleyüb kanlar saçan gelsün beri

Hakk civârında şehîdler menzilin bulmak içün
Arşı seyrân etmeğe cânlar veren gelsin beri

Kutb-i âlem Şeyh Şa’bân-ı Azîz erkânıdır
Yevm-i aşûrâyı ihyâ eden gelsün beri

Ol Yezîd’e cân u dilden la’net edenlerdeniz
Ol pelîde sebb ü la’net eden gelsün beri

Hem Muhammed meclisinde çâr-yâr ile gelüb
Ey Fuâdî hâl ile irşâd olan gelsün beri