Vech-i yâre dûş olan âlemde seyrân istemez
Cânını cânâne teslim eyleyen cân istemez
Bu misafirhanenin fâniliğin fehmeyleyen
Hâne-i kalbinden Hak’tan gayrı mihmân istemez
Gerçi zâhir ilminin nef’i de vardır tâlibe
Liyk(i) esrâre erenler sûr-i irfan istemez
İrci’i avazı erdi mürg-i cânım sem’ine
Bi karar oldu anınçün vird-i handân istemez
Mâsivallâhdan mücerred oldu İbrâhim bu gün
Vârını dildâre verdi vasl ü hicrân istemez