Ârifin cân gözlerinde nûr-i irfân var olur
Ârife avn-i Hudâ sırr-ı meârif yâr olur
Ârifin gönlü gözü menzil-i feyzu’llah velî
Ekserî hikmet-i Hak nâs manzarında hor olur
Ârife bir vakt olur ki gül-gülistân gösterir
Vakt olur ki içi cennet dışı zarf-ı nâr olur
Ârifin nûr-i hidâyet matla-i cân-gâhıdır
Gâh olur ki zîr u zillet kârı âh ü zâr olur
Gâh olur ilm-i ledünnî nâşiri Hassân gibi
Gâh terk-i cân içün Allah ile bâzâr olur

LUTFIYÂ âriflerin erkânı akla sığmamış
Gâh uzlet gâh izzet dillere dildâr olur