Arşda okunur medh-i muallâ-yı Muhammed
Kürsî-i Kerîm’de çalınur nây-i Muhammed

Meddâhi ki Allah ola bir zât-ı Kerîm’in
Takdîr ola mı kıymet-i vâlâ-yı Muhammed

Nûru’llah ola hilkat-i aslı ne keremdir
Arş-ı mehâsin rûy-i mücellâ-yı Muhammed
Dergâh-ı Hudâ maden-i hikmet o kerem-kân
Arş ulaşamaz kâmet-i bâlâ-yı Muhammed

Bir zât-ı kerîm hulk-i azîm me’haz-i hikmet
Mir’ât-ı hüdâ vech-i muzayyâ-yı Muhammed

LUTFÎ yere yüz koy o kerem-kânına yalvar
Pâyânı mı var bahşîş-i deryâ-yı Muhammed