Çün sakındın cânını var etme cânan arzûsun
Her kimin kim derdi yok n’eyler o dermân arzûsun
Müftînin fetvâlarından korkup aşkdan el yudun
Zümre-i uşşâk içinde etme irfân arzûsun
Sen Nesîmî gibi postun vermedin dost uğruna
Dâr’e berdâr olmağa gel etme urgan arzûsun
Hakkı hâzır görmedin kendinde Mansûr gibi sen
Dâr’e berbâr olmağa gel etme urgan arzûsun
Mü’minin kalbidir Allâhın evi sen bilmedin
Dopdolu etdin varıp ol evi Şeytân arzûsun
Hey ne gafletdir bu gaflet dâr-ı ukbâyı koyup
Komadın bîçâre bu dünyayı vîran arzûsun
Bir gönülde hubb-i dünya olsa Seyyid Seyfi bil
Etmesin ol kimse hergiz dîn ü îman arzûsun