Basîret ehl-i ol nûr-i basar seyr eyle ekvânı
Bu nakkāş nice nakşı eylemiş hikmetle eyvânı

Yakışmış nakşı menkûşe bu ser lâyık bu ser-pûşe
Yerindedir bu serhôşa yolunda fi’l-i Rabbânî

Giderse bülbülân zâğ-ı siyâhın menzilesine
Kemâl-i iştiyāk ile ederse terk gülistânı

Yıkar kâşânelerin bâğ-bân gül-i gülistândan
Ederler zâğ ile pervâz o menzilde cevelânı

Erişür fâsid ü sâdık ne ise maksûd u matlab
Gerek deyr ü gerek Kâʻbe neyi diler bulur anı

Kemâl-i akle mâlik bir necâbetlü selîm tab’a
İçirmek LUTFİYA olmaz hayatında irin kanı