Basma tuğyâne kadem câme-i cân kan boyanır
Olma ısyâne esîr fitne-i âlem uyanır

Zulm ile küfrü berâber dutanın âkibeti
Âh-ı mazlûm giderek gayret-i Hakk’a dayanır

Gaflet ü şehvet ü şöhret-gîr olan merd-i şerîr
Kavm-i fir’avun gibi bahri göricek inanır

Mûş-i bî-dîde gibi cem’ ediyor mâl-i haram
Sayyâd-ı nîze-keşân darbesi ile talanır

LUTFİYÂ eyle nazar doldu cihân şer ile şor
Hakk’ı nâsî başına kahr-ı İlâhî dolanır.