Bir dilber-i tannâz bir nazar-endâz Servi-veş serime bir sâye saldı
Bir sabâ-yı yelbâz kamer-i mümtâz Âl ile aklımı başımdan aldı

Güller kurbân gül yüzünün âline Sabâ kurbân kâküllerin teline
Şems ü kamer kurbân hikmet gülüne Cîm-i cemâline hayretde kaldı

Geysûleri Hindistâne kıymetdir Gerdende halları Sîn’de şevketdir

Ru’yet-i dîdârı câna cennetdir Âşıkları bahr-i belâya saldı

Gören gözler geçer elbette cândan Gören ayrılır mı nazlı civândan

Hûrîler görseler dâr-ı cinândan Felekde kamerin aklını çaldı

Gözler görmemişdir böyle levendi Seyretmemiş seher böyle bülendi

Âteşdendir âşıkların kemendi Bu âteş LUTFİYÂ âlemi aldı