Birgün olur perdeyi yâr kaldırır
Seyr-i cemâl ile seni güldürür

Birgün olur nazlı nezâket yapar
Birgün olur câmını mey doldurur

Birgün olur kahr u sitem cevr eder

Birgün olur yâr hareme aldırır

Birgün olur katline fermân eder
Birgün olur la’li ile kandırır

Birgün olur darb ile uryân eder

Birgün olur bûseden usandırır

Birgün olur kûyine koymaz seni
Birgün olur nâz ile uyandırır

Birgün olur dâre çeker bend eder

Birgün olur lutfuna dayandırır

Birgün olur serzenîş eyler sana

Birgün olur bûyine boyandırır

Birgün olur câhe atar LUTFÎ’yi
Sonra Mısır şahlığına aldırır