Bülbülü feryâda saldı gonce-i handâneler
Şûle-i şem’inde yandı dilberin pervâneler

Bülbül-i şeydâyı nâr-ı aşka dûçâr eyleyen
Gülşen-i bağ-ı İrem’de dizilen kâşâneler

Yakdı aşk pervâneyi feryâda meydan vermedi
Berg-i gülün şebneminden dizilen dürdâneler

Her seher âteşleyen bülbüllerin cân-gâhını
Pençe-i kahrında lerzân merdüm-i şîrâneler

Nâr-ı aşkdan asla pervâ etmeyen pervâneler
Râhat u âsâyiş ister dem-be-dem bî-gâneler

Ger dilersen LUTFİYÂ makbûl-i dergâh olmağı
Cân u bâşından geçerler sâdık-ı cânâneler