Cennet gülüdür ârız-ı hamrâ-yi Muhammed
Can bülbülü olsa nola şeydâ-yi Muhammed

Her mûyuna bin cân fedâ eylesem azdır
Uşşaka safâ verdi tevellâ-yi Muhammed

Girmişdi firak ile siyah câmeye Kâ’be
Zeyn etdi cemalı ile Bathâ’yı Muhammed

Her demde ola rûhuna bin kerre salâvât
Kurtarmağadır ümmetini râ’-yi Muhammed

Şevket kulun et vâsıl-ı dîdâr-ı İlâha

Feth eyleyecek cennet-i A’lâ’yı Muhammed