Ceres feryâd eder vakt-i seherde
Çekildi kârubân gitdi bu ilden
Bu rihlet dâimi kûy ü şeherde
Gelen gitdi konan göçtü bu ilden

Nihâyet buldu huddâm-i mesâcid
Tehî kaldı menâbir-i meâbid
Acep var mı bu derde bir müşâhid
O serviler yere düştü bu ilden

Gönülde nûr-i irfân kimde vardır
Başında âteş-i hasret gubârdır
Vücûdunu alan âh u hezârdır
O âhûlar bugün aşdı bu ilden

Sönübdür gülbe-i dînin çırâğı
Bu derd deryâsının yokdur kırağı
Olur mu derdli derûnun durağı
Ferîd dînin alup kaçdı bu ilden