Derd-i hicrânın devâsı ru’yet-i didâr-i yâr
Âşıkın sadr-ı şifâsı çok eder âzâr-ı yar

Seyr-i dilber zevk-ı cennetdir dil-i şeydâlara
Dilde dildârın hevâsı söyledir ezkâr-ı yâr

Âşıkın feyz-i muhabbet nûr-i îmân artırır
Leb-be-leb doldukça gönül sıdk ile efkâr-ı yâr

Iyd-i ekberdir dil-i vîrâneyi ta’mir eder
Nim-nigâhla bir gülerse o leb-i gülnâr-ı yâr

Derd-i dilber izdiyâdı derd-i hicrân ağlamak
Gün olur ki gönlüne güller açar gülzâr-ı yâr

Rahm kılsan sen sana rahm eyler ol cânân sana
Merhametden gayri yokdur âşıka bir kâr-i yâr

LUTFİYÂ aldanma dilber âlına cânın gider
Zülfünün herbir telinde var nice berdâr-ı yâr