Der-i dergâh-ı Mevlâ’ya olan sultân Muhammed’ dir
Bu dergâh-ı İlâhî’de nûr-i Rahmân Muhammed’dir

Kamu âlemlere rahmet vücûd-i cûd-i Ahmed’ dir
Kütüb-i münzelesinde olan ayân Muhammed’dir

Melekûttan inen her günde yetmiş bin melâikdir
Rîh-i Rahmân’ı bahşeyler gül-i reyhân Muhammed’dir

Eğer oldun ise zâir tecellîhâhı Mevlâ’yı
Huzûr-i kalbe mâlik ol âlî sultân Muhammed’dir

Huzûr-i hazret-i muhtâr-ı Mevlâ’ da edebdâr ol
Gürûh-i Enbiyâya bil mîr-i mîrân Muhammed’ dir

Bırak mal ile evlâdın mâsivâdan olup târik
Ki evvel-i emirde bil nûr-i Mennân Muhammed’ dir

İmâm-ı Enbiyâ oldu o dem Leyle-i Esra’da
O mecmûa-i kübrâda alan meydân Muhammed’dir

Bu LUTFÎ kemterin yâ Rab bu bahr-i merhametinden
N’ola bir katre ihsânı azîm ummân Muhammed’dir