Ahmed ü Mahmûd Muhammed Mustafâ derler sana
Efdal-i mevcûd habîb-i Kibriyâ derler sana

Ey risâlet madeni fâzıl-terîn-i enbiyâ
Arş-ı irşâd kubbesinde müntehâ derler sana

Nûr-i vahdet şem’ini sensin fürûzân eyleyen
Şâh-ı evreng-i şefâ’at Müctebâ derler sana

Nûr-i Mevlâ’dan mürekkebsin mükerremsin güzel
Ey kerîm-hilkat kerem-şân Murtezâ derler sana

Şâh-ı evreng-i şefâ’atsin habîb-i Kibriyâ
Rûz-i mahşerde azîm sâhib-livâ derler sana

“Kabe kavseyni ev ednâ” sadrına sultân olan
Bezm-i vuslat mahremi hak-âşinâ derler sana

Bu MUHAMMED LUTFÎ’ye lutf et kerem kıl yâ Resûl
Muktedâ-yı Enbiyâ sâhib-livâ derler sana