Devlet oldur dü-cihânda dest-gîr olsun sana
Ni’met oldur aşk-ı Hak rûşen-zamîr olsun sana

Matlab-ı a’lâ odur ki Hak sana kulum diye
Ömr odur rûz-i cezâ mihr-i münîr olsun sana

Gülşen-i bâğ-ı muhabbetden bugün bir gül kopar
Cennet-i Firdevs’de mülk-i kebîr olsun sana

Bâde-i bâl-ı hidâyet nûş eden merdâneler
Evliyâlar himmeti her dem nasîr olsun sana

LUTFİYÂ yarın kıyâmetde Muhammed hazreti

Ümmetiyle rahm-i Rahmân’dan beşîr olsun sana