Devreylesün meyhânede peymâneler versün zıyâ
Meyhânedir mestâneye ey nûr-i dil dâru’s-safâ

Meyhânede sermestlere pîr -i mugãnın bâdesi
Her katresi bir cân değer dillerine verir cilâ

Nûr-i hidâyet bahş eder câm-ı mey-i rûz-i Elest
Hurşîd-veş feyz-i kadîm âşıklara eder salâ

Dârư’l-emândır dâimâ hum-hâneler meykeşlere
Cennet-i cândır dilrubâ vecde gelir zevk-âşinâ

Denn-i muhabbetden nemâ alsa gönül katmerleri
Dürd-i meye cânın verir her kim olursa mübtelâ

Mihr-i hüdâdan feyz alan nûr-i hidâyet perveri
Cânân iline cân atar dilden gider hubb-i sivâ

LUTFÎ derin deryâlara salma sefînen gark olur
Taht-ı Süleymân’ı değer cânân civârında belâ