Dîdâr-ı dilbere dildâde olan
Âşık-ı fedâkâr târ u mâr olur
Bahr-i muhabbetde üftâde olan
Âhından âteşler âşikâr olur

Sevdâ-keş sermestin olmaz mekânı
Derdin saklamağa yokdur imkânı

Sancılmış bağrına sevdâ dikeni
Sûzişli sözleri ma’nidâr olur

Cemâl-i Leylâ’dan alır nümâyı
Sahrâ-yı hayretde görür hümâyı
Cemâli görenler görmez semâyı
Âlem-i vahşetde nâm-dâr olur

Mecnûn gibi olur derdin deryâsı
Meşhûrdur âşıkın olmaz pervâsı
Meğer imdâd ede güzel Mevla’sı
Gözünde al kanı müşg-bâr olur

LUTFİYÂ aldanma âl-ı dilbere

Geysûler saçarsa sadr-ı anbere

Nazar-endâz olma amân gülbere
Evrâd ü ezkârın âh ü zâr olur