Dilâ zencîr-i zülf-i dilberi dürdânelerden sor
Güzel gülberlerin âl-ı ruhın güldânelerden sor

Olup sermest bugün cânâ mey-i ma’nâ-yı ahmerden
Kadeh-bâzân meyânında dönen peymânelerden sor

Gürûh-i âşıkân müştâk olupdur bezm-i mestâne
Güneş-veş şevk-ı câmı gülbe-i mestânelerden sor

Şifâhâne-i hikmet derdlere meyhânedir dermân
Şifâyâb-ı şerâbı âkif-i meyhânelerden sor

Haremgâh-ı visâle şâhid-i kudsî olan gönlüm
Karîn-i kurb-i cânânım olan dîvânelerden sor

Aref dershânesinde bâdeye dildâdeler vardır
Cilâ-yı câm-ı hamrâyı veren cânânelerden sor

MUHAMMED LUTFÎ’yi yâ Rab ayırma bâb-ı rahmetden
O rahmet bahrini dilde bulan rindânelerden sor