Dîvan-hâne-i hikmetde merdâneler okurlar ders
Niyâz-mendân-ı rahmetde erham olur feryâd-res

Der-i dildârı merkezden erbâb-ı nâzı seyreyle
Yol aldılar seher-hîzân dâim feryâd eder ceres

Sivâ-perest olan nîmet -i îmândan habersizdir
Şekâvet zulmeti almış gönlüne dolmuş hâr u has

Gül-gülistân-ı tevhîdde gönlü gözü pür-nûr olan
Devreder âsiyâb-veş zikr-i ilâhî her nefes

Kalbe dola nûr-i hudâ cân atar cânân iline
Cânânsız âşıka cânâ cennet olur câne kafes

Bu eşyâ mazhar-ı esmâ fâil-i muhtâr müsemmâ
Görünen gösteren Hak’dır kayd-ı sivâdan kalbi kes

LUTFÎ derin deryâların daldırma karine hergiz
Hâlık halkına erhamdır Allahü bes bâki heves