Ehli dünya dirhem dinar ile eyler ferah
Ehli ukbâ ülfet-i ağyar ile eyler ferah

Masivaya eylemez hiç iltifat Hak âşıkı
Neylesin ağyarı ol dildar ile eyler ferah

Bende sadık ferahnâk olur ancak şâh ile
Özgesin çün bilmez asla yâr ile eyler ferah

Gece gündüz aşk ile zikrin eder mâ’şûkın
Kîl-u kâl-i terkedüb ezkâr ile eyler ferah

Eyle Kuddûsî Hudânın zikrine sen iştigal
Ehl-i Mevlâ zikrini iksâr ile eyler ferah