Esîr-i nefs-i emmâre felâh bulmaz felâketden
Hevâ-yı nefs ise âteş olur nâr-ı nedâmetden

Kanâat iffet ü ısmet sadâkat mihr-i izzetdir
Nihâyet rû-siyah gitdi olan ehl-i şekâvetden

Güneş-veş âşikâr olmuş seâdet-mend olan efrâd
Şeref ü şân u şevketler gelür bâb-ı seâdetden

Edeb nûr-i İlâhîden seâdet tâcıdır başda
Tarik-ı istikâmetde sebât etmek hidâyetden

Kerem-kâni Kerîm Allah bize gönderdi Kur’ân’ı
Şerî’at-i Muhammed men’ edübdür her kabâhatden

Dilersen zîynet ü zîver veresin saltanat cânâ
Bulunmaz böyle bir devlet şerî’atli sehâvetden

MUHAMMED LUTFÎ’nin yâ Rab recâsı zât-ı pâkinden
Amân dûr eyleme bu ümmeti râh-ı selâmetden