Ey nûr-i dîdem Hazret-i Allah’a emânet
Ol her dü-serâ avn-i inâyetle selâmet

Nâsırın ola Hazret-i Allah dü-cihânda
Tevfîkını refîk ede hem dilde hidâyet

Sâbit ola ikrâr ile tasdîk ne keremdir

Tamâm ola tevhîd ile enfâs nihâyet

Namâz ise imân nûrudur hem rûh-i dildir
Namâzda olan secdedir sırr-ı seâdet

Savm ile salât hacc ü zekât şâhid-i tevhîd
Şürûtu ile eyle tamâm emre itâat

Âlemleri halk eyleyen Allah ise Rabb’im
Fermânına muhâlif olan ehl-i şekâvet
Müslimân olan LUTFÎ dutar dâmen-i şer’i
Abd ise eğer ma’bûduna eyler itâat