Ey pâdişeh-i ma’nâ dil tahtı diler sultân
Ey şân-i kerem-ra’nâ kurbânın ola bu cân

Ey nûr-i basar rahm et üftâdelerin hâli
Pejmürde perîşândır düşer mi sana bu şân

Ey kân-i kerem gözle yüz yerde olanlar var
Kan yaşı evân olmuş cân dîdeleri giryân

Ey mâh-ı muzayyâ gel göster dile dildârı
Dil-hânemizi rûşen eyle olalım şâdân

Deryâ-dil olan ârif ister mi dahi ta’rîf

LUTFÎ’ye kerem eyle ey pâdişeh-i devrân