Ey şân-ı şerâfet şerefin gözlere göster
Ey şâhid-i kudsî n’ola bir arz-ı cemâl et

Derdlere devâ rûha gıdâ kalbe şifâdır
Âşüftelerin hâlini bir kerre süâl et

Deryâ-dil olan dâimâ afv ü kerem eyler
Üftâdelerin şerbetini âb-ı zülâl et

Keremler ile zâhir olur şân-ı şerâfet
Bakma gedânın noksânına setr-i vebâl et

Âşüftelerin dâdına feryâdına bir bak

İksâr-ı keremler ile ihsân-ı fiâl et

LUTFÎ’ye hüner her iki âlemde bu besdir
Tevhîd ile tasdîk ile muhabbet-i âl et