Ey varak al selâmım var yürü cânân iline
Edeb erkân ile var takdîm ederek eline

Yâr ü yâveri ola her dü-cihân Bârî Hudâ
Bâğ-ı dilde dilerim değmeye hazân gülüne

Nûr-i vahdet güneşin gülbe-i gönlünde göre
Zevk-ı tevhîd-i dile konmaya gubâr bâline

Zevk-ı dil hayât-ı cân cân ise hayât-ı beden
Nâsır ola rûz u şeb zât-ı Kerîm her hâline

Ülfet-i cânân ile cân bula bir zevk-ı kadîm
LUTFÎ ebnâ-yı nâsın sen bakma kıyl ü kāline