Eyledik nefse uyup kendimizi rûy-i siyah
Ne yüz ile varayız Hazret-i Mevlâmıza âh
Etmedik zerre kadar Hakk’a yarar bir eyi iş
Eyledik ömrümüzü yok yere dünyâda tebâh
Nice bir pîre-zen dehre uyup aldanasın
Kanı hey kalbi kararmış kanı zühd ile salâh
Nice bir dilberimiz adını vird edinelim
Edelim gel beri şimdengerü ezkâr-ı İlâh
Mansıb-ı devlet-i dünyaya harîs olma sakın
Ne vezîr kalıserdir ne emîri vü ne şâh
Nice bir ma’siyet-i bahr’e düşüp ey gâfil
Nice bir keştî-i nefsine olasın mellâh

Nice bir kûy-i nigâr’e varalım leyl ü nehâr
Gele şimdengerü Seyfî olalım sâlik-i râh