Bahâr eyyâmı gül mevsimi geldi
Gel ey bülbül gel e efgân edelim
Cihân ezhâr ile hep cümle doldu
Gel bülbül gel e efgân edelim

Seninle gel beri hem-râz olalım
Nevâ-yı aşka hem dem-sâz olalım
Yanıp dertleşip ehl-i râz olalım
Gel ey bülbül gel e efgân edelim

Verelim şevk ile aşktan nişânı
Edelim rûz u şeb âh ü figânı
Sadâ vü sıytımız tutsun cihânı
Gel ey bülbül gel e efgân edelim

Olup bu Askerî miskîne hemdem
Derûni derdine gel eyle merhem
Visâl-i yâr içün derd ile her dem
Gel ey bülbül gel e efgân edelim