Yeter müstağrak-i bezm-i elest ol
Gel ey derd ehlinin dermânı bülbül
Yeter ol câm ile hayran-ı mest ol
Gel ey derd ehlinin dermânı bülbül

Mesyiha gibi dem ur âşikane
Hayat irsün anınla mürde câne
Vedâ ettik meğer iki cihâne
Gel ey derd ehlinin dermânı bülbül

Yeter dost meclisinde keşf-i râz et
Kudumünle bizi gel serf-i râz et
Ne vâki gâh lrakı gâh Hicaz et
Gel ey derd ehlinin dermânı bülbül

Görünmezsin bu çeşmi hurdebîne

Kadem basmaz mısın ayrık zemîne
Firak ôduna yeter yandı sîne
Gel ey derd ehlinin dermânı bülbül

Gerekmez zevk-i bağı canânın
Yolun göster bize ol bînişânın
Umarlar hasta diller armağanın
Gel ey derd ehlinin dermânı bülbül