Gel ey sofî çıkar sofu kıl insâf
Ko sûret düzmeği kıl içini sâf
Riyâ ile bu ömr-ü nâzenini
Nice bir sarf edüp edersin isrâf
Kuru davâmı sandın sen bu ilmi
Bu yola böyle mi gittiler eşraf
Dahî kamilliğin bu mu nişânı
Sana derviş ola etrâf-ü eknâf
Değil vallâhi Mürşidlik bu resme
Kemâl ehline yakışmaz bu evsâf
Arıt pâk eyle kalbin eyle hâlis
Beğenmez böyle kalbi anla sarraf
Hakîkat kârbânına uyagör
Kati rûşen yola gider ol esnâf
Fenâ Kâfından aşır yolları hep
Bekâ Ankâsına olurlar ezyâf
Bu yolu cümleden âlâ tutarlar
Sarây-ı vahdete erişen eslâf
Hurûfa bakma andan içeru bak
Nefstir can değildir nûn ile kâf
Nefs bahrında lâl olmuş Niyâzî
Seda vü harf içinde olan urur lâf