Geldi Muhyiddîn hakîkat alem içre ağniyâ
Kapısında pâdişahlar oldular kul ve keda

İlmi, ağzından Rasûl’ün aldı ol âli cenâb
Eyledi ihsân ona ol Fahr-i âlem Mustafa

Rüşd-i âlem oldu asrında, bilenler bildiler
İstidâdı tam olanlar eylediler iktidâ

Ol gürûh-ı akl olan sofular onu bilmedi
Ona zındıktır demekle düştüler hep mehlikâ

Bahr-ı ahdardır makâmı Hızr’a yoldaştır o pîr
Nevm-i gafletten uyandırdı nice yüz bin Mûsâ

Ab-ı hayat menbaıdır kendisi haydır müdâm
Etti ihyâ dîni ilmiyle yeniden ol sîmâ

Bahr-ı ilmine kayık salmak bana mümkün değil
Eyle himmet FEHMİ’ye yolundayım çün bir fedâ